Transcription
1
Madame, je vous ay bien voulu escripre ce petit mot pour vous advertir que madame se porte
2
fort bien, Dieu grace. Nous sommes estés voyr monsieur d’Apt qui est en bonne santé de quoy je
3loue Dieu. Quand aux [barré : nevel ] nouvelles de pardessa, elles sont que il faict bien froyt en ce
4
pays. Madame nous vous adtendons en bonne devoction, mays si vous demeurés plus guières
5
nous vous saurons beau attendre car il est dangereux que le temps facheux ne vous
6
arreste, de quoy je seroys bien marri. Mon frére ce faict tousiours meilleur garson, mays il
7
est presque tousiours en desbat a vec ma seur, quest tout ce que je vous puis dire,
8
saluant voz bonnes graces de mes très humbles recommandations. Priant Notre Seigneur vous doner,
9
Madame, en parfaicte santé longue, heureuse vie. De Gargas, ce XIIIe janvier.
10Madame, avant la reception de la votre, je vous avoys faict ceste petite despesche dictée de [barré : moy ]
11
moy mesmes. Mays par faulte de comodité, ne la vous ay peu mander plus tost. Jay esté
12
bien ayse davoyr entendu de voz bonnes nouvelles et vous mercie très humblemt l’honneur
13
quil vous a pleu me fayre de mestre la main à la plume pur men fayre part. Je mestrey peyne
14
d’hobéir à voz comendemens, si plaict à Dieu, tant quil me sera possible, pour le desir que jay vous
15
demeurer toute ma vie très humble et très hobeissant filz. Madame de votre congé je saluerey
16
monsieur de La Roche mon oncle de mes très humbles recommendations, comme fayct ma seur et mon frere
17
lequel ma prié vous escripre pour luy estant bien marri contre vous de ce quil na poinct
18
heu de voz lettres.
19
Votre très humble et très obeyssant serviteur et filz
20
Charles de Simienne